"5 خطوات للتغلب
ع الأرق والتفكير الزائد قبل النوم"
أغلبنا بيعاني من مشكلة الأرق قبل النوم وإننا بنضيع وقت طويل جدا عشان
بس ندخل في مرحلة النوم.
دي شوية خطوات بسيطة هتساعدك تتخلص من الأرق وتنام بشكل أسرع:
1- الانضباط:
عشان تعرف تنام كويس لازم تظبط ساعتك البيولوجية، حدد مواعيد للنوم والصحيان
وإلتزم بيها بشكل صارم.
هتتعب في أول إسبوع أو إتنين عشان نظام جديد عليك ولسه بتتعود عليه.
اظبط المنبه ع وقت للنوم، أول ما يرن خلاص سيب أي حاجة في إيدك وقوم نام.
2- القاتل الشرس:
السوشيال ميديا طبعا، مش بيحلى لنا نمسك الموبايل والسوشيال ميديا غير
قبل النوم. ودي أكتر حاجة بتسبب الأرق وعدم القدرة ع النوم بسهولة.
الضوء اللي طالع من شاشة الموبايل ع عينك مباشرة ده خطير جدا بيسبب لك
توتر وصداع ودركبة في دماغك، في حين إنك المفروض عشان تعرف تنام لازم تكون مسترخي ومفيش
أي شيء بيأثر ع ذهنك.
لذلك، مع اقتراب وقت ميعاد نومك. ابعد الموبايل تماما عن السرير. حطه
في زاوية بعيدة عنك. واستبدل الموبايل بكتاب تقرأ فيه نص ساعة وبعدين تنام.
3- تظبيط الشغل أهم من الشغل:
• عشان تعرف تنام كويس لازم تهيأ المكان كويس.
رتب الأوضة.
• عدّل مكان نومك وظبط المخدة اللي بتنام عليها بحيث ما تسببش أي ألم
للرقبة.
• طفّي النور، أو استخدم لمبة إضاءتها هادية "سهّارة".
• قلل من شرب الشاي والنسكافيه والقهوة قبل النوم.
• تعالى ع نفسك شوية وشد ع معدتك وبطل تاكل قبل ما تنام!
4- استعين بالتكنولوجيا:
ده أبلكيشن تقدر تستخدمه لتحسين نومك، بيتابع مواعيد النوم بتاعتك وبيعرفك
إيه أنسب مواعيد بتنام فيها بشكل كويس. وفيه موسيقى هادية تساعدك ع إنك "سيب نفسك
خالص".
حمله وشوف باقي المُميزات بنفسك:
5- خد نفس وهاته تاني:
لما تيجي تنام، اعتمد ع إنك ترخي كل أعضاءك. وابدأ اسحب نفس عميق من مناخيرك
وطلعه من فمك. واستمر هكذا لحد ما تلاقي نفسك مسترخي تماما وذهنك صافي.
ساعتها أقدر أقولك هابي دريمز..
![برسنت](http://pinterest.com/pin/create/button/?url=https://reviewhangy1.blogspot.com/2019/10/5.ways-to-get-rid-off-insomnia.html&media=https://blogger.googleusercontent.com/img/b/R29vZ2xl/AVvXsEhXztoXEsnM8yZ3f2nQAORSYOMundWYX-kY3EHYJiuniCLMUm0ls6UUFrJu_J7D_ihPv9r9GToHCgnPl1EfrPBjZfSh_BSddUkT0Etnb0qmJPT-cyaljz2s6LSP44s0LG_U0fd_me2z1HIf/s72-c/5+%25D8%25AE%25D8%25B7%25D9%2588%25D8%25A7%25D8%25AA+%25D9%2584%25D9%2584%25D8%25AA%25D8%25BA%25D9%2584%25D8%25A8+%25D8%25B9+%25D8%25A7%25D9%2584%25D8%25A3%25D8%25B1%25D9%2582+%25D9%2588%25D8%25A7%25D9%2584%25D8%25AA%25D9%2581%25D9%2583%25D9%258A%25D8%25B1+%25D8%25A7%25D9%2584%25D8%25B2%25D8%25A7%25D8%25A6%25D8%25AF+%25D9%2582%25D8%25A8%25D9%2584+%25D8%25A7%25D9%2584%25D9%2586%25D9%2588%25D9%2585.jpg&description= "5 خطوات للتغلب ع الأرق والتفكير الزائد قبل النوم" أغلبنا بيعاني من مشكلة الأرق قبل النوم وإننا بنضيع وقت طويل جدا عشان...){kind=link}
تعليقات: 0
إرسال تعليق